Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj thotë se shqiptarët historikisht i kanë respektuar tempujt fetarë, mirëpo ai ngrit një dyshim duke thënë se nuk e di nëse objekti në fjalë mund të quhet kishë. Haradinaj ka folur për çështjen e Kishës ortodokse në pronat e Universitetit të Prishtinës, e cila është aktualizuar kohëve të fundit pas përpjekjeve për funksionalizim të saj dhe protestave të studentëve. Ai ka kërkuar nga Komuna e Prishtinës dhe Qeveria që t’ua qartësojë qytetarëve se a është gjithçka në rregull me Kishën. Populli ka mospajtim me objekte të tilla, nuk po themi me Kishën, sepse shqiptarët kanë kishë edhe të veten, kryqin e kanë të njohur ndër shekuj, por kjo nuk dimë nëse është kishë, nuk ka shërbyer si kishë, kjo qenë e ndërtuar prej paramilitarëve, kjo është e habitshme, ka nënvizuar ai.
