Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i AAK-së, Ramush Haradinaj, ka deklaruar se vendimi i Gjykatës Kushtetuese lidhur me krizën politike paszgjedhore përbën një rrugëdalje të rëndësishme nga ngërçi institucional që ka paralizuar vendin. Ai tha se kërkesa e AAK-së për interpretim kushtetues është bërë në interes të vendit dhe jo për përfitime partiake. Haradinaj shprehu lehtësimin që kjo kërkesë është pranuar dhe se tashmë ekziston një bazë ligjore për të nisur konstituimin e Kuvendit dhe formimin e institucioneve. Ai u bëri thirrje të gjithë deputetëve, pavarësisht përkatësisë politike, që ta respektojnë vendimin e Gjykatës Kushtetuese dhe t’i hapin rrugë funksionalizimit të institucioneve që dalin nga zgjedhjet e 2025-ës.
