Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forcat
elitare të Policisë së Republikës së Shqipërisë, RENEA dhe Forcat e Ndërhyrjes
së Shpejtë kanë rifilluar operacionin për kapjen e grupit kriminal në Lazarat.
Me një përqendrim të madh të forcave në terren dhe me mjete të blinduara, po
vazhdon kontrolli banesë më banesë për të kapur pjesëtarët e grupit kriminal që
vrau policin, Ibrahim Basha. Siç bëjnë të ditur mediet nga vendi i ngjarjes,
Policia po kërkon dorëzimin e të dyshuarve dhe nëse ata reagojnë me armë, atëherë
Policia do t’i asgjësojë. Kjo ka bërë që një pjesë e të shpallurve në kërkim nga
Policia të arrestohen ose të vetëdorëzohen në postbllokun e policisë. Dyshimet
kryesore për sulmin ndaj pjesëtarëve të RENEA-s bijnë mbi Albion Alikon, person
ky me precedentë të theksuar penal. Deri më tani, Policia e Shtetit gjatë
kontrolleve të imtësishme në Lazarat, ka shoqëruar në polici 45 persona, 2 prej të cilëve janë arrestuar, 24 vijojnë të
merren në pyetje nga grupi hetimor, ndërsa 18 të tjerë janë lënë të lirë. Përndryshe,
ky është aksioni i dytë me radhë i forcave të rendit në Lazarat, fshat ky që
gjatë pushtetit të Berishës kishte njohur lulëzimin më të madh si mbretëri e
narkotikëve. Aksionet për të spastruar këtë zonë nga kriminelët e
narko-trafikantët si dhe banorët që bashkëpunojnë me ta, ishin kritikuar nga
opozita, gjegjësisht nga Sali Berisha dhe Lulzim Basha. Por, Vendosmëria e
Qeverisë Rama ka bërë që shteti shqiptar të shtrijë kontrollin në këtë fshat
pas shumë viteve, duke asgjësuar bosët e kultivimit të kanabisit.
