Fillimi / Njoftime /  RrGK kërkon që dhunimi i 12-vjeçares në Kamenicë të trajtohet me urgjencë nga institucionet e drejtësisë
Rrjeti i Grave të Kosovës

 RrGK kërkon që dhunimi i 12-vjeçares në Kamenicë të trajtohet me urgjencë nga institucionet e drejtësisë

Përmes kësaj kumtese, Rrjeti i Grave të Kosovës (RrGK) përkrah kërkesën e Prokurorisë Themelore në Gjilan, e cila ka kërkuar që të caktohet masa e paraburgimit për M.J. I cili dyshohet se në tetor të këtij viti ka dhunuar seksualisht një vajzë 12-vjeçare në Kamenicë.

I dyshuari aktualisht gjendet nën masën e ndalimit 48 orësh, kurse, marrë parasysh seriozitetin dhe ndjeshmërinë e krimit, ne i bëjmë thirrje Gjykatës Themelore të Gjilanit që ky rast të trajtohet në përputhje me Kodin Penal të Kosovës, përkatësisht nenin 227 për veprën “Dhunim”.

RrGK specifkisht kërkon që ky rast të trajtohet me ndjeshmëri gjinore, ashtu siç parashihet në Konventën e Stambollit, si dhe të sigurohet trajtimi i duhur psiko-social i viktimës.

Po ashtu, përmes kësaj kumtese njoftojmë se RrGK do ta përcjell rastin nga afër dhe do të kërkojë vënien e drejtësisë në vend.

RrGK nuk do të ndalet derisa dhuna ndaj vajzave dhe grave të mos trajtohet vetëm si lajm ditor apo si çështje private.

Kontrolloni gjithashtu

Jahe Baleci

Kryetari i AAK-së, Ramush Haradinaj, njoftoi vdekjen e bashkëluftëtarit të tij nga fshati Grabanicë e Klinës, Jahë Baleci

Kryetari i AAK-së, Ramush Haradinaj, ka njoftuar për vdekjen e bashkëluftëtarit të tij nga fshati ...