Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shqipëria paralajmërohet për herë të dytë nga Komisioni Evropian për rikthimin e vizave. Kësaj radhe nuk është vetëm krimi i organizuar, që paraqitet si pretekst nga Holanda, por pasaportat për biznesmenët e huaj. Kryeministri i Shqipërisë, Edi Rama, në Konferencën Globale të Nënshtetësisë, e cila u mbajt një muaj më parë, në Londër ka thënë se nuk mund t’ia mohojmë Shqipërisë potencialin e madh të këtij programi për biznesmenët e huaj. Por delegacioni i BE-së paralajmëron Qeverinë shqiptare të rishikojë qëndrimin e saj për pajisjen e biznesmenëve të huaj me pasaporta shqiptare. Komisioni Evropian deklaron se dhënia e pasaportës të huajve do të thotë lëvizje e lirë në Zonën Shengen, çka do të detyrojë BE-në t’i rikthejë vizat për qytetarët shqiptarë.
