Shukri Buja: Qeveria duhet të shkojë në shtëpi, e Isa në pension

Shukri Buja: Qeveria duhet të shkojë në shtëpi, e Isa në pension

Ish-kryetari i Komunës së Lipjanit, njëherësh dhe deputeti i Kuvendit të Kosovës nga radhët e PDK-së Shukri Buja, në një intervistë për KosovaPress ka thënë se do ta përkrahë mocionin e iniciuar nga opozita për rrëzimin e Qeverisë. “E përkrah mocionin për rrëzimin e Qeverisë, sepse kam qenë bukur gjatë kohë me vërejtje me kritika për këtë Qeveri e cila nuk po funksionin si duhet. Unë jam për rrëzimin e Qeverisë, për shkak të lëshimeve të mëdha që ka bërë kjo Qeveri. I pari lëshim i z. Mustafa ka qenë nënshkrimi i marrëveshjes për Asociacionin, që Gjykata Kushtetuese i ka dhënë vërejtje në 12 çështje, të cilat janë në këtë nënshkrim që janë antikushtetuese. Pastaj është çështja e Demarkacionit,  e cila po stërzgjatet dhe po dëmtohen qytetarët e Kosovës me liberalizim të vizave. Është çështja e zhvillimit ekonomik, i cili po kamuflohet se ka zhvillim ekonomik, ka zbutje të papunësisë, e që në fakt të gjithë qytetarët e Kosovës e shohin, e ndjejnë përditë varfërimin e qytetarëve. E ndjenjë përditë se si po rrjedh zhvillimi ekonomik dhe a ka zhvillim ekonomik. A ka punësim apo largim nga Kosova të të rinjve të Kosovës. Ky kamuflim po ndodh sidomos me hyrjen borxh të Kosovës, ose rritjen e borxhit publik që e ka kaluar miliardëshin dhe kjo është me rreziqe shumë të mëdha për gjeneratat e ardhshme. Kjo Qeveri do të duhej të shkojë në shtëpi. Isa Mustafa e ka mbush moshën e pensionit dhe të shkojë në pension”, ka thënë Buja.

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …