valamobile
mbpzhr 2018
kek baneri
Fillimi / Opinione / Skënder Sadri Kapiti: Kryetari, Hashim Thaçi, tha të vërtetën
Skënder S. Kapiti

Skënder Sadri Kapiti: Kryetari, Hashim Thaçi, tha të vërtetën

Kam botuar 4 shkrime me titull  të tilla si:“ Politika e Tiranës ,mjaft më me politikën anti Kosovë”, ku në ato shkrime kam prekur dhe shkruar  mes të tjerash edhe ato se çfarë tha Thaçi kohet e fundit në adresë të Berishës. Unë edhe këto i kam shkruar me kohë . Të gjithë e dimë tashmë aktin e rëndë antikombëtar të qeverisë së ishPresidentit Berisha në vitet 1992-1997,furnizimin e ushtrisë dhe të makinerisë serbe të Millosheviçit me naftë; i dimë pengesat ,arrestimet dhe veprimtarinë antiUÇK të Berishës dhe të ishpushtetit të tij.

Të gjitha dihen ,dihet edhe ajo se PD dhe Berisha kanë qenë për autonomi të Kosovës, ashtu sikurse edhe në prag të shpalljes së Pavarësisë së Kosovës,  Berisha nëpërmjet ish-ministrit të tij të Jashtëm Besnik Mustafaj deklaruan për Pavarësi të Kushtëzuar për Kosovën, pikërisht këtë që dëshironin serbët por të shprehur prej tyre si “autonomi substanciale”. Koha pra shkon ,por historia dhe kujtesa nuk  harron. Dhe pra jo rastësisht e kundërshtoi Thaçin dhe e mbrojti Berishën po ky ishministër i tij, ashtu sikurse Berishën po e mbrojnë edhe ish-eksponentët e lartë politik të ishpushtetit të cilët drejtonin agjencitë partiake të karburanteve të cilat shkelën embargon ndërkombëtare të naftës kundër Serbisë.

Nëse Presidenti Thaçi kërkon korigjimin e kufijve  me qëllim bashkangjitjen  dhe bashkimin e trojeve shqiptare te Medvegjës, Bujanovcit dhe Preshevës me Kosovën sipas vullnetit të shqiptarëve të këtyre trevave shqiptare, kjo përbën detyrë  dhe akt patriotik dhe kombëtar, ndërsa e kundërta përbën pabesi dhe tradhti ndaj tyre. Së pari ashtu sikurse propaganda, pushteti, politika dhe shteti i Serbisë ka bërë maksimumin për ndërkombëtarizimin e komunave me shumicë popullsie serbe në Kosovë, edhe Thaçi bën të njëjtën gjë për shqiptarët: e shtron dhe e bën  cështje ndërkombëtar ekzistencën e problemit shqiptar në Luginën e Preshevës , problem i cili kërkon zgjidhje, ose si krijim të bashkësisë së komunave shqiptare atje ose bashkimin e tyre me Kosovën.

Pikërisht këtë të cilën Thaçi po e kërkon sot, këtë unë e kam shkruar në Librin tim “TRIUMFI I KOMBIT” kur Kosova shpalli Pavarësinë në vitin  2008 ku i kërkoj politikës së Kosovës dhe asaj të Shqipërisë që serbët në Kosovë nuk duhet të kenë asgjë dhe asnjë të drejtë më tepër e më shumë se sa shqiptarët e Preshevës, Medvegjës dhe të Bujanovcit, pra të Kosovës Lindore.

Pra, Lugina e Preshevës është Kosova Lindore, dhe pyesin se kush është patrioti në këtë rast,H. Thaçi,i cili kërkon Kosovën Lindore apo ata të cilët si rasti  Sali Berishës  (por jo vetëm i tij) i cili e kundërshton këtë ?! Kush bën papërgjegjshmërinë kombëtare këtu ai i cili kërkon bashkimin e trojeve shqiptare apo ai e ata të cilët nuk kërkojnë dhe janë kundër korigjimit të kufijve, pra ai dhe ata të cilët janë kundër të drejtës historiko-kombëtare të bashkimit të trojeve shqiptare.

Këtu duhet përshëndetur qëndrimi i Thaçit si pragmatist, realist dhe i guximshëm  pasi ai nuk braktis dhe nuk i harron trojet shqiptare dhe as shqiptarët e Medvegjës, Preshevës e Bujanovcit të cilët luftuan për lirinë e Kosovës. Pra Thaçi  nuk është si politika dhe politikanët e Tiranës  e cila gjithmonë nuk ka bërë asgjë për Çamërinë, por pa harruar edhe atë që Shqipëria kurrë nuk ka bërë seriozisht gjë dhe as nuk ka hyrë në luftë asnjëherë as me Serbinë për Kosovën, edhe pse Kosova kishte mbi 100 vite që ka qenë në luftë me Serbinë.

Politika e Tiranës nuk ka kryer asnjëherë detyrën dhe përgjegjësitë e saj si duhet ndaj Shqipërisë dhe shqiptarëve të shtetit shqiptar dhe jo më të jetë interesuar ndonjëherë si duhet dhe seriozisht për Kosovën dhe për problemin gjithkombëtar shqiptar, dhe prandaj nuk ka se  çfarë Kosova të marrë si leksione nga Tirana, por përkundrazi, Prishtina duhet të jetë shumë e kujdesshme nga politikanët , këshilltarët e “këshillat” që i merr nga Tirana , sepse ata për interesa personale siç ka treguar historia  nuk e kanë për asgjë që të pabesojnë, të spekulojnë dhe të veprojnë me shumë finesë e djallëzi kundër Kosovës, siç me të drejtë edhe Thaçi  realisht  i referohet në rastin konkret Berishës.

Madje për Kosovën Berisha ka qenë vetëm për autonomi

Nga Shqipëria, jo vetëm nga Berisha por as nga paraardhësit e tij në historinë 100 vjeçare të shtetit shqiptar, politikës së Tiranës kurrë nuk i ka interesuar problemi kombëtar, ai i shqiptarëve dhe i trojeve shqiptare jashtë Shqipërisë. Dhe as nuk pritet as tani ndonjë gjë e madhe nga Shqipëria, nga politika e saj, politikë e cila historikisht ka qenë politikë interesash të ngushta ideologjike, politike e pushteti për përfitime personale, dhe po për këto qëllime e ka përdorur edhe Kosovën dhe shqiptarët në trojet e tyre etnike jashtë shtetit të Shqipërisë.

Nëse ka popull në Europë  i cili duhet të kërkojë dhe ka të drejtë për ndryshimin e kufijve , ai popull është populli shqiptar,  dhe  Shqipëria e Kosova, dy shtetet shqiptare të cilat edhe sot kufizohen nga të gjitha anët me troje shqiptare të grabituara padrejtësisht nga grekët, maqedonasit, serbët dhe malazezët. Pra problemi i padrejtë dhe i pazgjidhur shqiptar në Ballkan e mban Ballkanin në statusin e  problemeve  të pazgjidhura  akoma.

Po i pyes këta ziliqarë, egoistë dhe nihilist e interesaxhinj pseudokombëtarë se a mos  jeni dakord që Lugina e Preshevës të qëndrojë nën Serbi dhe të pastrohet etnikisht nga politika dhe pushteti i Serbisë siç po veprohet edhe aktualisht me presione ekonomike, varferie,papunësie, dhune policore dhe me demostrime ushtarake , ashtu siç kanë bërë grekët me Çamërinë, apo doni që Presheva, Kosova Lindore, të Bashkohet me Kosovën ?! Lind pyetja shumë e thjeshtë dhe e qartë për t’i thënë Berishës dhe atyre të cilët  nuk duan ndryshimin e kufijve, se cila është zgjidhja më e mirë , përfundimtare dhe më e duhura për shqiptarët e Kosovës Lindore, Bashkimi i tyre me Kosovën apo qëndrimi nën Serbi? Ku shqiptarët e Medvegjës, Bujanovcit e Preshevës do t’i kishin  të garantuara liritë, pavarësinë  dhe  të drejtat njerëzore e kombëtare të tyre në shtetin e tyre shqiptar të Kosovës apo nën Serbi!?

Kush nuk dëshiron që për interesa dhe për përfitime të ngushta pushteti  personal dhe për motive xhelozie  politike dhe egoizmi negativ bashkimin e Kosovës Lindore me Kosovën nuk bën gjë tjetër përveçse tradhëtinë, pasi  ata nuk duan as Bashkimin Kombetar. Berisha është mjaft i diskredituar edhe në Shqipëri  pasi  për interesa personale pushteti ai kurrë nuk punoi për një shtet modern e ligjor në Shqipëri; ai ka bërë dëme kombëtare të mëdha , si me Marrëveshjet kufitare të detit me Greqinë, dhënien e lejeve për ngritjen e varrezave të ushtarëve grekë , sjelljen në krye të Kishës Ortodokse Shqiptare të  antishqiptarit Janullatos duke e humbur kështu Kisha Ortodokse Shqiptare pavarësinë e saj, ka pranuar e lejuar ngritjen e shkollave greke edhe atje ku ka 2-3 nxënës minoritarë grekë në një kohë kur nuk ka asnjë shkollë shqipe në Greqi e madje atje shqiptarët nuk guxojnë as ta deklarojnë kombësinë shqiptare të tyre, miratimin nga ishpushteti  i tij në heshtje shkuljen dhe rrënimin  e sinjalistikës dhe të emërtesave në gjuhën shqipe të rrugëve dhe të fshatrave të Himarës etj.etj.

Pa harruar edhe një fakt tjetër  atë se Berisha i bënte thirrje dhe madje edhe presion delegacionit kosovar në Rambuje që ata të mos e firmosnin Marrëveshjen e saj. Dhe çfarë do të thoshte kjo ? A nuk ishte një thirrje të cilën e dëshironte vetëm Serbia dhe Rusia. Nëse do ta dëgjonin Berishën Delegacioioni kosovar me në krye Thaçin nuk do të ishte mundësuar dhe as justrifikuar ndërhyrja e NATO-s nën drejtimin e SHBA –ve për çlirimin e Kosovës.

Prandaj Berisha bën mirë të heshtë, dhe po nuk heshti  ai e ka kot  pasi askënd më nuk bindë se ai ka bërë ndonjë të mirë kombëtare gjatë sundimit politik të tij as për Shqipërinë dhe jo më për Kosovën, përveçse të kundërtën po. Ndryshimi mes Thaçit e Berishës është ky: Thaçi është serioz, i matur, tolerant, i drejtpërdrejtë  e ndërsa Berisha  sillet si demokrat  hipokrit  dhe patriot fals me  retorika dhe mashtrime.

Kontrolloni gjithashtu

Dialogu

Instituti EPIK: Ndikimi i dialogut me Serbinë në njohjet dhe përfitimet e dy vendeve në procesin e integrimit

Me 8 mars 2011 filloi dialogu Kosovë-Serbi, që kishte për bazë Rezolutën 64/298 të miratuar ...