KEK
Fillimi / Lajmet / Tahiri: Brukseli së shpejti do të sjellë kodin telefonik për Kosovën
Edita Tahiri

Tahiri: Brukseli së shpejti do të sjellë kodin telefonik për Kosovën

Ndonëse sipas marrëveshjes së arritur në Bruksel, Kosova është dashur të ketë kodin telefonik me 1 mars, ministrja për Dialog, Edita Tahiri vazhdon të besojë se kjo do të ndodhë si pasojë e angazhimit të zyrtarëve të lartë në Bruksel. Ajo thotë të ketë zhvilluar një bisedë telefonike me përfaqësuesit e BE-së, të cilëve u ka shprehur shqetësimin në lidhje me mos-zbatimin e marrëveshjes për kodin telefonik për Kosovën për të cilën presioni i opinionit publik dhe i medieve në Kosovë është gjithnjë në rritje. “Në një bisedë të gjatë për këtë çështje, zyrtarë të lartë të Bashkimit Evropian kanë njoftuar se Bashkimi Evropian po angazhohet intensivisht për çështjen e kodit telefonik për Kosovën dhe se kjo marrëveshje do të realizohet sa më shpejt që është e mundur”, ka thënë ministrja, Tahiri. Ajo ka shtuar se zyrtarët e BE-së kanë bërë me dije janë të vetëdijshëm se sa është e rëndësishme kjo çështje për qytetarët e Kosovës, si dhe e kanë parasysh se bisedimet për kodin telefonik kanë zgjatur me vite dhe se zbatimi i saj është vonuar.

Kontrolloni gjithashtu

Vetëvendosje dhe LDK akuzojnë njëra tjetren për bllokimin e punës së Komisionit hetimor parlamentar për privatizim

Vetëvendosje dhe LDK akuzojnë njëra tjetren për bllokimin e punës së Komisionit hetimor parlamentar për privatizimin

Komisioni hetimor parlamentar lidhur me procesin e privatizimit në Kosovë ka miratuar listën me katër ...