TRT Balkan: Shqipëria dhe Kosova po zbrazen, në këtë vit shkollor janë regjistruar rreth 15 mijë nxënës më pak

Shifrat, të cilat i ka publikuar portali TRT Balkan, mbështetur në statistikat e Shqipërisë, Kosovës dhe vendeve të tjera të një pjese të rajonit të vendeve të Ballkanit, janë alarmante, dhe kanë të bëjnë me shpopullimin e qetë të Kosovës dhe të Shqipërisë.

Për 10 vjet nga Kosova  janë larguar rreth  500 mijë qytetarë, një shifër alarmante krahasuar me numrin e banorëve që sipas regjistrimit të popullsisë nuk është as 1 milionë e 800 mijë. Në Kosovë brenda 10 viteve e kanë braktisur vendin 529 mijë e 647 qytetarë ose 30 për qind e popullsisë së përgjithshme. Popullsia në Kosovë për vitin 2021 vlerësohet të jetë 1 milion e 77o mijë banorë. Largimi i madh i qytetarëve vërehet edhe në shkolla, kur ka çdo ditë e më pak nxënës. Nga të dhënat e fundit të Agjencisë së Statistikave të Kosovës, kuptohet që Kosova është një ndër shtetet me uljen më të madhe të numrit të nxënësve për një vit në rajon, ka bërë të ditur TRT Ballkan

Shqipëria e Kosova e kryesojnë listën e shteteve me  rënie drastike të numrit të nxënësve në shkollat fillore me 14 mijë e 279 nxënës më pak, ndërsa 4 shtetet e rajonit, Bosnja, Serbia, Maqedonia e Mal të zi kanë, të gjitha tok kanë   7 mijë e 886 nxënës më pak. Analiza në TRT Ballkan, për periudhën 2020-2021 dhe 2021-2o22, tregon se gjendja në arsimin fillor nuk është më e mirë edhe në shtete të tjera të rajonit. Brenda një viti numri i nxënësve në bankat e shkollave fillore në Shqipëri është zvogëluar për 8 mijë 348 nxënës. Shifrat në fjalë dalin nga përllogaritja e nxënësve të regjistruar në arsimin 9-vjeçar në vitet shkollore 202o-2021 dhe 2021-2o22. Në vitin shkollor 2021, në Shqipëri, sipas Institutit të Statistikave të Shqipërisë, në arsimin para universitar janë regjistruar gjithsej  460 mijë e 819 nxënës dhe fillestarë. Prej tyre në arsimin 9-vjeçar janë regjistruar 286 mijë 486 nxënës. Në Shqipëri janë regjistruar 8 mijë e 348 nxënës më pak nxënës sesa në Bosnje, Serbi, Maqedoni e Mal të zi të gjitha bashkë, të cilat kanë: 7 mijë e  886 nxënës më pak. Shqipëria ka rreth 3 milionë e gjysmë banorë, ndërsa Bosnja, Serbia, Maqedonia e Mal të zi të gjitha tok kanë mbi 15 milionë banorë.

Nga të dhënat e fundit të Agjencisë së Statistikave të Kosovës, kuptohet që Kosova është një ndër shtetet me uljen më të madhe të numrit të nxënësve për një vit në rajon, në  krahasim me numrin e banorëve. Në vitin 2021-2022 në Kosovë kishte 217 mijë e 977 nxënës apo 5 mijë 931 nxënës më pak në shkollat fillore se në vitin 2020-2021, ku numri i përgjithshëm i nxënësve të shkollave fillore ishte 223 mijë e 908.   Shtetet e rajonit qëndrojnë shumë më mirë se Kosova e Shqipëria.  Bosnja  e Hercegovina  ka regjistruar  3 mijë e 257 nxënës më pak. Shkollat fillore në Serbi kanë regjistruar më pak   3 mijë e 249 nxënës

Në Maqedoninë e Veriut arsimi fillor  ka regjistruar  900 nxënës   në pak se në vitin e kaluar ndërsa Mali i Zi  në këtë vit shk0llor ka regjistruar 470 nxënës më pak.

(TRT Balkan-RKL)

Kontrolloni gjithashtu

Prof. dr. Sabit Syla: Nderimi ndaj veprës së atyre që luftojnë e vdesin për atdhe është kufiri që ndanë të mirën me të keqen

Fjala e dr. Prof. Sabit Sylës me rastin e zbulimit të pllakës së dëshmorit të …