Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Mbrojtjes së Shqipërisë, ka njoftuar se kontingjenti shqiptar që sapo ka marrë detyrën në kuadër të misionit të KFOR-it në Kosovë është angazhuar menjëherë në stërvitjen për menaxhimin e trazirave dhe turmave të dhunshme. Ministria ka theksuar se trupat shqiptare janë në gatishmëri të plotë, duke vepruar përkrah kolegëve nga vendet aleate. “Trupat shqiptarë, përkrah kolegëve nga vendet aleate, janë në gatishmëri 24 orë për ruajtjen e një mjedisi të sigurt dhe lirisë së lëvizjes në të gjithë territorin e Republikës së Kosovës, për të gjithë qytetarët,” thuhet në njoftimin e Ministrisë. Ky angazhim vjen në një periudhë kur stabiliteti dhe siguria në rajon janë prioritete të rëndësishme për misionin e KFOR-it, në kuadër të ruajtjes së paqes dhe mbrojtjes së qytetarëve.
