Janë shuar 400 familje palestineze në sulmet e Izraelit ndaj Rripit të Gazës

Ushtria e Izraelit njoftoi se ka goditur një qelizë të grupit militant, Hamas, që dyshohet se ishte strehuar në një xhami

Ushtria e Izraelit ka njoftuar sot se ka goditur një qelizë të grupit militant, Hamas, që dyshohet se ishte strehuar në një xhami në Bregun e uzurpuar Perëndimor. Poashtu, ajo ka paralajmëruar se do t’i ashpërsojë bombardimet në Rripit e Gazës së udhëhequr nga Hamasi. Radio Evropa e Lirë njofton që Forcat e Mbrojtjes së Izraelit (IDF) të kenë thënë se xhamia al-Ansar, e cila ndodhet në kampin e refugjatëve Jenin, po përdorej nga Hamasi dhe militantët e Xhihadit Islamik. IDF-ja e përshkroi këtë vend si “kompleks terrorist” që po përdorej për të planifikuar sulme. Gjendja e sigurisë në Bregun Perëndimor është e tensionuar tash e disa muaj dhe tensionet u rritën edhe më shumë pas 7 tetorit, kur militantët e Hamasit në Gazë e thyen mbrojtjen kufitare dhe u futën në jug të Izraelit duke i vrarë më shumë se 1.400 njerëz dhe duke i rrëmbyer së paku 210 të tjerë. Nga ana tjetër, Ministria e Shëndetësisë, e udhëhequr nga Hamasi, ka njoftuar se më shumë se 4 mijë e 300 njerëz janë vrarë në Gazë si pasojë e bombardimeve izraelite që nga 7 tetori.

Kontrolloni gjithashtu

Olivier Guerot: Themelet e dialogut Kosovë-Serbi mbeten të pandryshuara, Asociacioni prioritet për Kosovën

Ambasadori i Francës në Kosovë, Olivier Guerot, ka theksuar se themelet e dialogut ndërmjet Kosovës …