Veteranët e UÇK-së do të protestojnë sot, për mos trajtim të barabartë me kategoritë e tjera sociale në Ligjin e ri për paga

Veteranët e UÇK-së të Brigadës 113 “Mujë Krasniqi”, do të protestojnë për largimin nga lista të veteranëve të rremë

Protesta të reja do të mbahen  në Prishtinë, për të kërkuar largimin e veteranëve të rremë nga lista e përfituesve të pensioneve. Këtë herë, vet veteranët e UÇK-së të ‘Brigadës 113 Mujë Krasniqi’, që kanë vepruar në kuadër të Zonës Operative të Drenicës, do të protestojnë me datën 3 shtator, nga ora 11:00, në Prishtinë Faik Zogaj nga Mleqani i Malishevës, së bashku me veteranë të tjerë, janë organizatorë të kësaj proteste. Ai thotë se vetëm në fshatin e tij janë më shumë se 70 veteranë të rremë dhe për këtë ka dëshmuar më shumë se 6 herë te ish-prokurori special, Elez Blakaj. Zogaj tregon se për shkak të dëshmisë që ka dhënë në Prokurori, është kërcënuar. Por dëshmitë e tij për falsifikimet thotë se janë vërtetuar nga ish-prokurori Blakaj. Për këtë protestë të paralajmëruar për 3 shtator, Zogaj nuk ka marrë përkrahjen e Organizatës së Veteranëve të UÇK-së, të udhëhequr nga Hysni Gucati, për të cilin thotë se është në shërbim të politikës. Kreu i OVL së UÇK-së ka paralajmëruar se këtë protestë nuk do ta përkrahin.

Kontrolloni gjithashtu

Rrezarta Krasniqi: Kompromiset në dëm të Kosovës kjo qeveri i ka bërë standard të politikës së jashtme

Deputetja e LDK-së, Rrezarta Krasniqi, nuk beson që do të hiqen sanksionet e vendosura nga BE-ja

Deputetja e LDK-Së, Rrezarta Krasniqi nuk besojnë që do të hiqen sanksionet e vendosura nga …