Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Partisë Demokratike të Kosovës, Vlora Çitaku, ka reaguar ashpër pas vendimit të SHBA-së për pezullimin e Dialogut Strategjik me Kosovën, duke e cilësuar këtë si “ngjarjen më të rëndë që i ka ndodhur vendit në 25 vjet liri”. Ajo tha se kryeministri Albin Kurti po e minimizon situatën dhe po jeton “në një univers paralel”, ndërsa shtoi se për asnjë politikan të Kosovës nuk është e dëshirueshme të kritikojë një kryeministër për raportet me aleatin kryesor të vendit. “Kam përshtypjen që z. Kurti po jeton në një univers paralel. S’ka asgjë më të rëndë që i ka ndodhur Kosovës tani e 25 vjet liri sesa vendimi i SHBA-së për pezullim të dialogut strategjik. Dhe kjo s’është një vërejtje apo qëndrim yni që e bëjmë me dëshirë”, u shpreh Çitaku. Ajo theksoi se situata aktuale është e paprecedent dhe mund të sjellë pasoja serioze: “Ne kemi mjaft tema që ta kritikojmë z. Kurti, por asnjëherë nuk do doja që të më jepej mundësia të kritikoj një kryeministër të Kosovës për raportet me SHBA-në. Situata në të cilën jemi është e paimagjinueshme, një territor i pashkelur dhe mund të shndërrohet në një situatë potencialisht të rrezikshme”, paralajmëroi ajo.
