Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Forca të shtuara të Njësive Speciale të Kosovës janë drejtuar sot në pikën kufitare Kosovë-Serbi, saktësisht në Jarinje. Pas kësaj, ministri i Brendshëm Xhelal Sveçla ka dhënë detaje lidhur me situatën e krijuar atje. Sveçla deklaroi se bashkë me Policinë e Kosovës në kuadër të aktiviteteve të zakonshme si dhe me qëllimin e ruajtjes së rendit publik dhe kushtetues, janë duke u kryer veprime në të gjitha pikat kufitare. Sipas tij këto veprime kanë për qëllim zbatimin e marrëveshjes për lëvizjen e lirë-konkretisht targave të automjeteve. Tutje ministri deklaroi që nga data 15 shtator nuk ka në qarkullim asnjë veturë të pajisur me targa valide ‘KS’ dhe rrjedhimisht targat e vetme ligjore dhe me afat të lëshuara nga MPB janë ato me denominimin ‘RKS’. “Situata është e qetë. Policia e Kosovës i ka ndërmarrë të gjitha masat e nevojshme operative dhe logjistike që të mos pengojnë dhe vonojnë lëvizjen e njerëzve dhe mallrave”.
