Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-zëdhënësi i Ushtrisë Çlirimtare të Kosovës, Jakup Krasniqi, ka paraqitur një kërkesë për lirim të përkohshëm nga paraburgimi, gjatë pushimeve verore të Gjykatës Speciale. Këtë kërkesë është ushtruar mbrojtja e tij. Sipas dokumenteve të Gjykatës Speciale, mbrojtja e Krasniqit argumenton se lirimi i tij për një periudhë të kufizuar prej tre javësh, nën masa të rrepta sigurie, do të reduktonte çdo rrezik të pretenduar të pengimit të procedurave dhe kryerjes së krimeve të mëtejshme. Masat e propozuara përfshijnë ndalimin e deklaratave publike, qasje të kufizuar në pajisje komunikimi dhe internet, qasje të kufizuar për vizitorët dhe monitorim të komunikimeve. Mbrojtja gjithashtu argumenton se lirimi i përkohshëm do të ishte proporcional dhe në përputhje me të drejtën e Krasniqit për jetë familjare, duke marrë parasysh moshën e tij të shtyrë dhe faktorë të tjerë personalë. Megjithatë, trupi gjykues ka refuzuar kërkesën dhe ka vendosur për vazhdimin e paraburgimit të Jakup Krasniqit dhe Rexhep Selimit.
