leoni

Zymer Mehani

Zymer MEHANI: HAMËZ JASHARI- FLAKADAN LIRIE

(E kujtojmë dëshmorin e kombit, Hamëz Jashari, me rastin e ditëlindjes)

 

Kjo tokë

Ky qiell

Këto brigje

Ky diell

T’përulen

Ty, vëlla…

 

Këtij trualli amtar

Pesha i matet

Me besë e fjalë

Dhe vlera i shtohet

Me gjakun tënd të valë.

 

N’Prekazi qëndrestar

Grushtin lart e ngrite

Kundër mynxyrës

Rrebesheve

Furtunës-

Fortesë

Kundër dhunës.

 

Ti, yll i pashuar

Flakadan

Në errësirë.

 

Ti, shkëndijë e shpresës

E besës

Qëndresës.

 

Të shanë e të ndoqën

Por kot

U përpoqën

 

Ata që t’u hodhën

Në fyt

Si egërsira.

 

Nuk të kishin njohur

I kaploi

Mynxyra.

 

Kësaj toke arbërore

I ushqeve damarë

Trim, zemër-shqipar.

Kontrolloni gjithashtu

Mehmet Bislimi: Kosovë dil priti bijtë tuaj

…  në çdo përvjetor, rënien tuaj burrërore kujtojmë!…   1. Kosovë dil priti bijtë tuaj priti se …