Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Referendumi grek ose e thënë me një bashkim fjalësh: Greferendumi i ditës së diel, më 5 korrik, mbetet një shprehej e demokracisë së përkryer në të cilën mund të thuhët me plot gojën se: `Vox Popoli , Vox Dei` (Zëri i Popullit është Zëri i Zotit).
Ky referendum i ndërtuar për ti`u përgjegjur një fraze të thjeshtë : `A jeni dakort me kërkesat e BQE dhe FMN për huadhënien? përfundoi në favor të fjalës `OXI`-JO, me 61% përkundrejt 39% `NAI`-PO.
Përkthimi i kësaj vote ka shqetësuar direkt BE dhe veçanërisht binomin Francë-Gjermani përsa i përket të ardhmes së fqinjit tonë grek në BE.
Deklaratat e Kryeministrit majtist Tsipras se vota `JO` nuk do të thotë dalje nga eurozona, por do të thotë huadhënia duhet ristrukturuar në dobi të popullit grek sepse populli grek nuk meriton të dëmtohet edhe më tej nga kjo barrë e rëndë fiskale , barrë e cila po e shkatërrn Greqinë.
Mbyllja e Bankës Qëndrore greke deri të mërkurën shpreh edhe një herë mungesën e plotë të likuiditetit të Bankës qëndrore greke, dhe kjo do të përkthehet me pamundësi për të dhënë rrogat, pensionet, asistencën, investime, shlyerje borxhesh.
Pa i hyrë hollësirave financiare, në këtë rast mund të diskutohet se cfarë shërbeu si trigger në ndryshimin e qëndrimit të qeverisë greke të re të kryesuar nga Tsipras nga qeveritë e mëparshme dhe se pse qeveria e drejtuar nga Samaras nuk fitoi zgjedhjet e kaluara me gjithe sukseset e pjesëshme të tij koalicioni qeveritar në pagesat e borxhit grek i cili sot me gjithe përqindjet llogaritet në 323.4 miliard euro?
Pikërisht pika e kthesës dhe votat në favor të Kryeministrit majtist Tsipras, shërbyen pikërisht masat tejet shtrenguese që rekomandoi FMN dhe BQE në drejtim të shkurtimeve drastike në pensionet, asistencat,dhe në buxhetine Mbrojtjes. Këtu qeveria e Tssipras fitoibesimin e popullit grek me këmbënguljen e tyre për të mos ulur nivelin e jetesës , nivel i cili është arritur me mund e sakrifica që nga hyrja e Greqisë në BE dhe në Eurozonë si një vënd i zhvilluar (developed country). Pavarësisht këmbenguljes për të mos paguar këstet e rradhës të huasë totale prej 322.4 miliard euro (kësti mujor është 1.5 miliard euro në muaj), qeveria Tsipras i paraqiti BE dhe veçanërisht Merkel-it pamunësinë e pagesës duke propozuar shleyrjen e borxheve.
Gjithashtu, nëpërmjet bllofeve politike të Varufakis-it qeveria greke e Tsipras-it i kujtuoi Gjermanisë që ajo i ka një borxh të luftës prej 230 miliard euro(?!), gjë që e zemëroi pa masë opinionin gjerman, pa shtuar se Ministri i Jashtëm grek u tregua profane në debatet me europarlamentarët dhe me FMN (të paktën nga ana etike) për zgjidhjen e këtij ngërçi, aq sa pas referendumit FMN dhe BQE i dërguan një letër, ku shpreheshin që….. do ta vlerësonin mos ardhjen e Ministrit të Jashtëm grek Varufakis në takimet e rradhë….. Kjo shkaktoi dorëheqjen e Ministrit Varufakis dhe zëvëndësimin e tij me z. Tçakalliotis një grek inteligjent i rritur jashtë Greqisë. Shprehja `OXI` e votuesve grekë shpreh edhe një herë dëshirën e popullit grek për të mos pranuar masat shtrënguese, por gjithashtu sipas Tsipras shpreh dëshirën për të qëndruar në eurozonë duke ristrukturuar borxhin; me sa duket ose duke bërë një ndërprerje 1-2 vjeçare dhe pastaj rifillimin e pagimit, ose duke zgjatur kohën pagesat.
Kjo i përket bisedimeve të ardhshme.
Shkaqet e këtij borxhi janë spjeguar në forma të ndryshme por sipas opinionit tim, ky borxh ka filluar që kur u bë Olimpiada në Greqi në 2004-2005, për shkak të derdhjes si lumë të investimeve të mëdha në një vënd të vogël si dhe keqpërdorimit nga ana e qeverive greke të borxhit.
Asnjë vend në botë prej 11 milionë banorësh nuk ka marrë një hua prej 300 miliard eurosh për një kohë të shkurtër, hua e cila duhej të ishte përdorur për investime. Në fakt kjo hua u përdor për të rritur buxhetin e Ministrisë së Mbrotjejs duke blerë aeroplanë, armatime nga vëndet e BE me pretekstin e mbrojtjes nga Turqia e fqinjët?!
Së dyti huaja u përdor për të rritur rrogat, pensionet, asistencën, dhe numrin e punonjësve në administratë si dhe për reklama.
Pra jo për investime strukturore dhe strategjike.
Praktikisht grekët punonin 10 muaj në vit, merrnin 14 paga dhe kishin rroga të njëjta me Gjermanët të cilët dihet se si punjnë.Kontrollet e BQE, FMN, Troikës dhanë rezultate të papritura dhe të padëshërueshme sepse e tregonin shtetin grek që po majmej dhe parazitonte duke u ushqyer me huatë e dhëna për qëllime të tjera.
Dihet që qeveria Tsipraa është qqeveri e majtë, por edhe qeveritë e tjera greke janë sjellë si qeveri socialiste të kohës së bllokut komunist duke mbajtur një ekonomi të centralizuar, gjë që ka sjellë dështimin ekonomik të rëndë të cilën po e vuan populli grek.
Pyetje se Merkelit pse nuk është shkurtuar buxheti i Mbrojtjes me anë të të cilit mund të paguhen këstet e borxhit, Tsipras i u përgjegj se Mbrojtja duhet forcuar si p.ash., kundër Turqise(?!) Merkel i u përgjegj se Turqia nuk sulmon një vënd të NATO-s sepse është vend në NATO, por edhe sepse Greqia sa do të bleje armatim, nuk mund të krahasohet me Turqinë e cila ka një potencial ushtarka shumë më të madh.
Tsipras kundërshtoi se kjo shumë marramëndëse e paesës nga ana e Greqisë dëmton dinjitetin grek sepse Greqia uk mund të ulë standartin e jetesës së popullit grek, standart të arritur me vite (dhe me të drejtë); por Merkel i u përgjegj se për cfarë dinjiteti flitet , dinjitet kishte Greqia e Lashtë e jo kjo Greqi e cila është e përberë nga rraca të ndryshme serbesh, turqish shqiptarësh, etj. Bëni AND i tha Tsipras-it Merkel-i e zemëruar.
Kjo e zemëroi Tsipras-in i cili kërkoi votbesimin nëpërmjet Referendumit, referendum i cili përkrahu qëndrimin e Tsiprasit nga ana e popullit grek me anë të `OXI`.
Problemet e Greqisë janë të mëdha , por si fqinjë të mirë që jemi shpresojmë që Greqia të mos dalë nga eurozona dhe aq më pa nga BE, por fjai i këtij borxhi të madh është i dyanshëm.
Nga njëra anaë BE:
Së pari, dha pa kursim hua të mëdha që e kalonin kapacitetin dhe likuiditetin grek
së dyti nuk i kontrolloi se ku vajtën këto para
Së treti ka shumë mundësi korrupsioni i kontrollorëve të BE,
Nga ana e Greqisë:
Së pari nuk i përdorën paratë për investime strategjike
Së dyti i shpërdoruan duke i përdorur për qëllime konsumiste dhe klienteliste politike.
Ka dhe një problem tjetër që qeveria Tsipras (e cila nuk ka faj për gjëndjen por po përpiqet ta rregullojë) duhet ta bëjë në bashkëpunim me BE por që mund të jetë e parealizueshme: nxjerrjen para ligjit të të gjithë klasës së vjetër politike greke paraligjit e cila jo vetëm shpërdoroi paratë por me sa dihet, ka rreth 280 milione euro tek individë private të ndryshëm grekë, në bankat e Zvicrës dhe Qipros të cilatsigurisht duhen parë se nga janë përvehtësuar.
Sigurisht duhen nxjerrrë para ligjit edhe politikanët e BE që kanë dhënë huanë Greqisë.
A mund të realizohet kjo?
Kjo nuk dihet .
Të shohim.
Problemi i korrupsionit të klasës politike është edhe në Shqipëri, dhe dihet që është kjo klasë politike disa vjeçare që ka shpërdoruar paratë e shqiptarëve duke i shkaktuar Shqipërisë një borxh buxhetor prej 70-80% të buxhetit shqiptar, borxh që ka vënë në vështirësi ekonominë shqiptare e cila po dëmtohet edhe nga problemi i fqinjit tonë grek ku banojnë rreth 700.000 shqiptarë, një pjesë e të cilëve është duke ardhur në Shqipëri si të papunë.
N ë përfundim them se përmirësimi i ekonimisë greke dhe shlyerja e bozrxhit grek me ndihmën e FMN dhe BQE, do të ndihmojë edhe Shqipërinë të dalë nga `zeit not-i` ekonomik.
