Sot mbahet ceremonia e përurimit të autostradës “Arbën Xhaferi” në segmentin e fundit të saj

Sot do të mbahet ceremonia e përurimit të autostradës “Arbën Xhaferi”, që lidh Kosovën me Maqedoninë e Veriut. Ceremonia e përurimit mbahet në Han të Elezit dhe është segmenti i fundit i autostradës prej 20 kilometrash. Kryetari i Kosovës, Hashim Thaçi, kryeministri, Ramush Haradinaj dhe kryekuvendari, Kadri Veseli do të jenë të pranishëm në këtë ceremoni. Ceremonia e hapjes së segmentit R6 të autostradës “Arbën Xhaferi” do të nis në orën 12:00. Hapja e Autostradës Prishtinë-Shkup po bëhet me pesë muaj vonesë.