Kadri Veseli: Uniforma e Policisë së Kosovës që dy dekada është uniformë që e nderon vendin tonë

Kadri Veseli: Uniforma e Policisë së Kosovës që dy dekada është uniformë që e nderon vendin tonë

Kryetari i Kuvendit të Kosovës dhe lideri i PDK-së, Kadri Veseli, ka thënë se Policia e Kosovës e ka nderuar vendin që nga themelimi. Ai në 20-vjetorin e themelimit të Policisë së Kosovës, ka thënë se në luftën kundër korrupsionit kanë rënë shumë policë. “Janë mijëra gra e burra që pareshtur, ditë e natë, kujdesen për mbrojtjen e jetës dhe pronës së qytetarëve. Uniforma e Policisë së Kosovës që dy dekada është uniformë që e nderon vendin tonë. Përkushtimi, profesionalizmi dhe sakrifica e madhe ishin gjithmonë standarde që e veçuan Policinë e Kosovës. Lufta kundër krimit të organizuar dhe korrupsionit për të cilën ranë në krye të detyrës dhjetëra policë është luftë për ta fuqizuar shtetin e së drejtës dhe për t’i hapur rrugë zhvillimit ekonomik. Roli i policisë në këtë drejtim është primar. Liria dhe siguria nuk bëjnë pa njëra-tjetrën dhe zhvillimi ekonomik u jep kuptim të dyjave. Ky është vizioni ynë për të ecur përpara”, ka shkruar Veseli.

Kontrolloni gjithashtu

DASH: Qeveria e Kosovës është treguar e pasuksesshme në përpjekjet për të hetuar dhe luftuar individët e korruptuar

DASh, është shprehur i zhgënjyer pasi dy persona të sanksionuar nga ShBA janë propozuar për të qenë pjesë e qeverisë së re në Serbi

Departamenti Amerikan i Shtetit ka  bërë e ditur se pozicioni i tyre për ish-shefin e …