Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas dy ditësh intervistimi në Hagë nga Gjykata Speciale, ish-zëvendëskomandanti i Shtabit të Përgjithshëm të UÇK-së Sokol Bashota është kthyer në Kosovë. Ai në Aeroportin “Adem Jashari” ka bërë me dije se është intervistuar si i dyshuar. Bashota ka treguar se Gjykata Speciale i kishte ofruar një marrëveshje e cila për të ishte e favorshme në këtë proces, por ishte e dëmshme për UÇK-në. Ai ka thënë se ka refuzuar këtë marrëveshje, për të cilën ka theksuar se do të flas ditëve të ardhshme. “Më është ofruar marrëveshje që për mua ishte e favorshme, do të më ndihmonte mua në proces në të ardhmen, por do të ishte e dëmshme për UÇK-në”, ka thënë ai. Bashotën kishin dalë për ta pritur në Aeroport shumë qytetarë të Klinës dhe bashkëluftëtarë të tij.
