Nënkryetari i LDK-së, Lutfi Haziri, ka thënë se ndarja e drejtë dhe e balancuar e pushtetit mes Vetëvendosjes dhe Lidhjes Demokratike të Kosovës, ku Vetëvendosje do të udhëhiqte me Qeverinë e LDK-ja me Kuvendin, do t’i jepnin fuqi një koalicioni potencial mes dy partive. Sipas tij, kjo ndarje do t’i jepte mirëbesim e shkathtësi për t’u përballur me situatën politike karshi faktorit ndërkombëtar. Haziri e ka quajtur LDK-në gardiane të interesave të Kosovës, teksa ka shtuar se kjo parti të tjerët i sheh si rivalë politikë e jo si armiq. Tutje ai ka thënë se duhet të punohet shumë që në vend të kthehet besimi i qytetarëve. Teksa ka apeluar për durim, Haziri ka thënë se “këto konsultimet e brendshme na mundësojnë që të eliminojmë çdolloj pengese dhe çdolloj bombe të kurdisur të mandatit 4+”.
Kontrolloni gjithashtu
Knut Abraham: Kosova me shumicë votash i ka përmbushur të gjitha standardet për t’u bërë anëtare e Këshillit të Evropës
Këshilli i Europës festoi 75 vjetorin e themelimit dhe deputeti i Bundestagut, Knut Abraham konkludoi …