Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori i informimit në Ministrinë e Shëndetësisë, Faik Hoti ka njoftuar se qindra vullnetar janë angazhuar për ta ndihmuar stafin mjekësor në luftën e tyre ndaj koronavirusit. Ai ka shkruar se në vijën e parë të frontit, në luftë me pandeminë që ka kapluar botën, në Kosovë janë edhe një grup prej 250 vullnetarësh, të cilët angazhuar për të ndihmuar në të gjitha institucionet ku po menaxhohet gjendja për parandalimin e përhapjen e virusit COVID-19, i njohur si coronavirus. “Nuk po ua shihni fytyrat. Por, fytyra e tyre e vërtetë është humanizmi. Ata, sfidojnë rrethanat, kanë mposhtur frikën dhe i shërbejnë qytetarit, familjes dhe shtetit të vet në këtë kohë të vështirë. Dhe, nuk janë pak. Rreth 250, deri tash… Shumë prej tyre janë në veprim: Në Institutin Kombëtar të Shëndetësisë Publike të Kosovës, në Klinikën Infektive, në Viti, në Han të Elezit, në Prishtinë, në Pejë, e kudo tjetër ku po e kërkon nevoja”, ka shkruar në mes tjerash, Drejtori i informimit në Ministrinë e Shëndetësisë, Faik Hoti.
