Kryetari i Kosovës, Hashim Thaçi, i ka cilësuar tragjike pamjet nga Bejruti, ku raportohet se numri i të vdekurve ka shkuar deri në 60. Thaçi përmes një postimi në Twitter, ka thënë se mendimet dhe lutjet e nga Kosova janë për të dëmtuarit dhe familjet e viktimave nga shpërthimi në Liban. “Pamje që ta thyejnë zemrën dhe tragjike nga Bejruti. Mendimet dhe lutjet tona janë për të dëmtuarit dhe familjet e viktimave. Kosova qëndron pranë Libanit në këtë kohë të vështirë”, shkruan Thaçi. Bejrut, kryeqyteti i Libanit, është goditur nga disa shpërthime të fuqishme, e sipas Kryqit të Kuq të Libanit, deri më tani kanë humbur jetën 60 persona dhe mbi 3000 persona janë plagosur.
Kontrolloni gjithashtu
Ish-kryetari i Sllovenisë, Borut Pahor thotë se është i gatshëm të bëhet emisar i BE-së për dialogun Kosovë-Serbi
Ish-kryetari i Sllovenisë, Borut Pahor, ka gjasa të emërohet emisar i Bashkimit Evropian për dialogun …