Sipas Entit të Statistikave të Kosovës Lindore në tri komunat shqiptare në Serbi papunësia arrin deri në 70%, ndërsa përfaqësimi i shqiptarëve në nivelin regjional e atë qendrore është zero. Përfaqësuesit politikë të këtij rajoni këtë e konsiderojnë si diskriminim. Derisa pakica serbe në Kosovë po përjeton standardet e avancuara për trajtimin e minoriteteve, shqiptarët në Serbi po përballen me diskriminim shtetëror. Ragmi Mustafa, kryetar i KNSH-së, tha për RTK-në se në institucione janë pak shqiptarë të punësuar. Në institucionet publike në Serbi, në nivel lokal, shqiptarët janë të përfaqësuar me numra njëshifror ose nuk punojnë fare. Gjatë dy dekadave të fundit, edhe pse është diskutuar shumë për integrimin e shqiptarëve në institucionet shtetërore, asgjë nuk ka lëvizur në aspektin pozitiv.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …