Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shtetet e Bashkuara të Amerikës do të vendosin sanksione shtesë javën e ardhshme kundër kompanisë ushtarake private ruse “Wagner Group”, për të cilën zyrtarët amerikanë thonë se ka ndihmuar ushtrinë ruse në luftën në Ukrainë, tha Shtëpia e Bardhë të premten, raporton Reuters. Zëdhënësi i Sigurisë Kombëtare të Shtëpisë së Bardhë, Xhin Kirby, tha se Departamenti i Thesarit i SHBA-së do ta caktojë “Wagner”-in si një organizatë të rëndësishme kriminale transnacionale. Ai tha se ndikimi në rritje i “Wagner”-it në Rusi po shkaktonte tensione mes udhëheqjes ushtarake të vendit. Në koordinim me këtë përcaktim, ne do të vendosim gjithashtu sanksione shtesë javën e ardhshme kundër Wagner dhe rrjetit të tij mbështetës në shumë kontinente. Këto veprime njohin kërcënimin transkontinental që paraqet Wagner, duke përfshirë modelin e tij të vazhdueshëm të aktivitetit të rëndë kriminal”, u tha Kirby gazetarëve në konferencën e përditshme të Shtëpisë së Bardhë. Muajin e kaluar Shtëpia e Bardhë tha se Grupi Wagner kishte marrë një dërgesë armësh nga Koreja e Veriut për të ndihmuar në fuqizimin e forcave ruse në Ukrainë, në një shenjë të rolit në zgjerim të grupit në atë konflikt.
