Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas marrjes së vendimit për liberalizimin e vizave dhe hapit të parë drejt anëtarësimit në Këshillin e Europës, nga SHBA-ja dhe Gjermania erdhën mesazhet se formimi i Asociacionit tani po konsiderohet i pashmangshëm, në njëfarë mënyre ka qenë i kushtëzuar. Ambasadori gjerman Jorn Rohde e tha haptazi se anëtarësimi në Këshillin e Evropës është i ndërlidhur me implementimin e marrëveshjeve të dialogut me Serbinë. Një komitet i përbashkët monitorues është themeluar në Bruksel për ta mbikëqyrur zbatimin e marrëveshjes së fundit bazë ndërmjet Kosovës dhe Serbisë. Por, për zbatimin e kësaj marrëveshjeje e cila u konsiderua historike nga një pjesë e bashkësisë ndërkombëtare, duket se Kosova do të kushtëzohet më shumë në proceset e saj integruese. Në kohën kur kryeministri, Albin Kurti u shpreh i gatshëm për zbatimin e të gjitha pikave të marrëveshjes së fundit, duke përfshirë themelimin e Asociacionit të Komunave me Shumicë Serbe, Kosovës iu hap rruga e anëtarësimit në Këshillin e Evropës.
