Gjykata Themelore në Prishtinë ia ka vazhduar masën e paraburgimit edhe për dy muaj, Nagip Krasniqit, drejtor i Korporatës Energjetike të Kosovës, i cili është pezulluar nga kjo detyrë pas dyshimeve për korrupsion. Lajmin e ka konfirmuar, Mirlinda Gashi, zëdhënëse në Gjykatën Themelore në Prishtinë. Nagip Krasniqi është arrestuar më 19 prill, pas bastisjeve që janë kryer nga Njësia e Veçantë e Hetimeve, në zyrën e tij në KEK dhe dy banesat e tij dhe i njëjti u dërgua në mbajtje. Drejtori i KEK-ut dyshohet se ka kryer veprat penale “Keqpërdorim i detyrës zyrtare”, “Ushtrim ndikimi” dhe “Konflikt interesi”. Më 20 prill, Prokuroria Speciale e Kosovës, kishte paraqitur kërkesë në Gjykatën Themelore, lidhur me caktimin e masës së paraburgimit ndaj Krasniqit. Pas mbajtjes së seancës dëgjimore, Gjykata ia kishte caktuar drejtorit të KEK-ut një muaj paraburgim.
Kontrolloni gjithashtu
AAK-ja ka vija të kuqe për Albin Kurtin, refuzon madje edhe postin e kryetarit për Ramush Haradinajn
Duke folur rreth zhvillimeve të fundit politike në vend, nënkryetari i AAK-së, Ardian Gjini, deklaroi …