Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbështetja e Kosovës për anëtarësim në Këshillin e Evropës dhe kërkesa Shqipërisë për shpalljen si të pazbatueshme të rezolutës që akuzon Ushtrinë Çlirimtare të Kosovës për trafikim organesh gjatë kohës së luftës, ishin fokusi i diskutimeve mes Kryetares së Kuvendit, Lindita Nikolla dhe Presidentit të Nderit të Asamblesë Parlamentare të Këshillit të Evropës, René van der Linden. Kuvendi i Shqipërisë njoftoi se Kryetarja, Lindita Nikolla priti sot në një takim Presidentin e Nderit të Asamblesë Parlamentare të Këshillit të Evropës, René van der Linden, i cili ndodhet për një vizitë në Tiranë. Sipas njoftimit, Kryetarja Nikolla vlerësoi kontributin e Van der Linden në drejtimin e Asamblesë Parlamentare të Këshillit gjatë viteve 2005-2008 dhe qëndrimeve të drejta në kohë të vështira për kontinentin, demokracinë, të drejtat e njeriut, paqen dhe sigurinë. Ajo vuri në dukje bashkëpunimin shumë të mirë të Kuvendit me Asamblenë Parlamentare të KiE, për konsolidimin e institucioneve demokratike, shtetit të së drejtës dhe mbrojtjen e të drejtave të njeriut. Gjithashtu, Kryekuvendarja Nikolla e vuri në dijeni Van der Linden mbi Rezolutën e Kuvendit të Shqipërisë “Mbi pazbatueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”, përcjellë zyrtarisht Këshillit të Evropës, duke i kërkuar të rishikojë Rezolutën 1782 (2011), dhe të shpallë të pabazuara pretendimet për trafikim të paligjshëm të organeve njerëzore në Shqipëri apo në Kosovë, në dritën e fakteve e provave, në shërbim të së vërtetës dhe vendosjes së drejtësisë.
