Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendësshefi i Programit Botëror të Ushqimit, Carl Skau, ka alarmuar se Kombet e Bashkuara janë detyruar t’i ndalin ndihmat për miliona njerëz, për shkak të krizës me fonde. Ai theksoi më tutje se të paktën 38 prej 86 shteteve ku operon agjencia e OKB-së, veçse janë përballur me zvogëlim të ndihmave, përfshirë vendet si Afganistani, Siria, Jemeni dhe Afrika Perëndimore. Radio Evropa e Lirë njofton më tutje se zëvendësshefi i Programit Botëror të Ushqimit, Carl Skau ka theksuar se agjencisë së Programit Botëror të Ushqimit i duhen rreth 20 miliardë dollarë për të dërguar ndihma te të gjitha vendet në nevojë, mirëpo ajo ka vite që siguron 10 deri më 14 miliardë dollarë. Programit Botëror të Ushqimit, ka njoftuar se rreth 345 milionë njerëz në botë kanë nevojë për ndihma. Zëvendësshefi i Programit Botëror të Ushqimit, Carl Skau ju ka bërë thirrje liderëve botërorë që ta bëjnë prioritet ndarjen e fondeve dhe të investojnë në zgjidhje afatgjata për konfliktet, varfërinë dhe shkaqet tjera që po çojnë në kriza.
