Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadorja e Bashkimit Evropian në Tiranë, Romana Vlahutin ka shfaqur habinë e saj se është e mundur që në Shqipëri njerëzit më të pasur janë gjyqtarët edhe pse paga e tyre është 800 euro! Gjatë intervistës për radion gjermane “Deutschlandfunk”, ajo shtoi më tutje se tingëllon e çuditshme, por në fillim të viteve 1990, të gjithë gjyqtarët ishin të kohës së komunizmit. Më pas nisi një kurs gjashtëmujor për të formuar gjyqtarët e rinj. E gjitha kjo bëri që korrupsioni të jetë një problem i madh i drejtësisë. Me reformën në drejtësi, gjyqtarët do kalojnë në të ardhmen në një proces hetimi, për të zbuluar lidhjet e tyre me krimin e organizuar dhe për të mësuar për të ardhurat e tyre. Nuk është sekret, që disa gjyqtarë këtu janë ndër njerëzit më të pasur në vend edhe pse marrin 800 euro në muaj, ka theksuar gjatë intervistës, ambasadorja e Bashkimit Evropian në Tiranë, Romana Vlahutin.
