Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Draft-statuti për Asociacionin e komunave me shumicë serbe, i hartuar nga Bashkimi Evropian, ka shkaktuar një debat të madh në Kosovë, ku vlerësimet për përputhshmërinë e tij me Kushtetutën e vendit janë të përziera. Sipas Enver Hasanit, ish-kryetar i Gjykatës Kushtetuese dhe profesor i së Drejtës Ndërkombëtare në Universitetin e Prishtinës, drafti “nuk mund të anulohet”, përkundër faktit se nuk është në përputhje me Kushtetutën e Kosovës. Në vitin 2023, BE-ja e paraqiti këtë draft si një “model modern” për mbrojtjen e komuniteteve pakicë, dhe ai u miratua në parim nga liderët e Kosovës dhe Serbisë, Albin Kurti dhe Aleksandar Vuçiq. Radio Evropa e Lirë kërkoi informacion nga Bashkimi Evropian dhe Qeveria e Kosovës lidhur me qëndrimin e tyre mbi këtë çështje, por deri në publikimin e këtij artikulli nuk mori përgjigje. Po ashtu, Zyra për Kosovën në Qeverinë e Serbisë nuk ka ofruar asnjë koment.
