Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një video e publikuar nga Lëvizja Vetëvendosje, ku janë numëruar arritjet e Qeverisë Kurti II, ka shkaktuar reagime të ashpra nga opozita. Në videon e cila promovon punën e qeverisë, janë theksuar disa arritje të pretenduara, por përfaqësuesit e partive opozitare i kanë hedhur poshtë këto pretendime, duke i cilësuar si një fushatë propagandistike të LVV-së. Vlora Çitaku, ka reaguar ashpër, duke e akuzuar Qeverinë Kurti për stagnim dhe dështim në menaxhimin e çështjeve kyçe të vendit. Çitaku ka shkruar se kjo qeverisje ka sjellë vetëm rritje të çmimeve dhe faturave, duke përmendur se produktet bazike dhe energjia elektrike kanë shkuar në nivelin e luksit për qytetarët. Ajo e akuzon LVV-në se, kur nuk ka rezultate konkrete të treguara, kthehet te propaganda për të fshehur dështimet. Çitaku thekson se për këtë qeverisje ka pasur stagnim në çdo fushë dhe degradim të kushteve të jetesës për qytetarët, ndërsa shton se për ta, fjalët janë të lirë, por përgjegjësia për veprimet e tyre mungon.
