Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i zgjedhur i LDK-së, Ekrem Hyseni, ka konfirmuar se LDK do të përgjigjet pozitivisht ftesës së kryetarit të kuvendit, Glauk Konjufca, për të marrë pjesë në takimin e 8 prillit. Takimi ka për qëllim diskutimin e çështjeve përgatitore për seancën konstituive të Kuvendit të Kosovës, e cila pritet të mbahet më 15 prill. Hyseni ka theksuar se kjo ftesë është një ftesë institucionale, e cila rregullohet nga rregullorja e Kuvendit, dhe se LDK-ja do të marrë pjesë për të kontribuuar në përcaktimin e rendit të ditës dhe çështjeve të tjera që lidhen me funksionimin e seancës konstituive. Hyseni ka bërë të qartë se LDK-ja nuk do ta mbështesë kandidaturën e Lëvizjes Vetëvendosje për kryeparlamentar. Ai ka thënë se partia e tij do të jetë pjesë e seancës së 15 prillit, por se mbështetja për çdo kandidat do të varet nga një marrëveshje paraprake politike. Ne do të jemi pjesë e seancës së 15 prillit, por normalisht asnjë kandidat të LVV-së nuk do ta përkrahim, por as të ndonjë partie tjetër pa një marrëveshje paraprake politike, ka përfunduar Hyseni.
