Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas dështimit të radhës për konstituimin e Kuvendit të Kosovës, deputeti i LDK-së, Besian Mustafa, ka deklaruar se vendi ndodhet në një krizë të thellë institucionale, nga e cila, sipas tij, mund të dilet vetëm përmes formimit të një qeverie të unitetit. Në një deklaratë për media më 9 qershor, Mustafa ka theksuar se një qeveri e tillë duhet të ketë një afat të caktuar dhe një agjendë të përbashkët prej 15 pikash, të cilat do të propozohen në ditët në vijim. Ai ka nënvizuar se LDK-ja nuk ka ambicie ta udhëheqë këtë qeveri, por kërkon një figurë unifikuese që do të pranohej nga të gjitha palët. “E vetmja zgjidhje që mund të ketë Kosova për të dalë nga ky ngërç, është qeveria e unitetit, me afat të caktuar dhe me agjendë të caktuar. LDK-ja nuk insiston ta udhëheqë atë – natyra e saj si qeveri uniteti kërkon një figurë që na bashkon të gjithëve”, deklaroi Mustafa.
