Kryetari i Këshillit Kombëtar të Nismës, Jakup Krasniqi priti në takim përfaqësuesin special të Bashkimit Evropian në Kosovë, Samuel Zhbogar. Temë qendrore e takimit në mes tyre ishte situata politike, ekonomike dhe sociale në vend. Kryetari i Këshillit Kombëtar të Nismës, Jakup Krasniqi falënderoi përfaqësuesin special të BE-së në Kosovë, Samuel Zhbogar, për angazhimin që ka bërë gjatë këtyre viteve të mandatit të tij në Kosovë, në veçanti për bashkëpunimin e deritanishëm që Zhbogari kishte me Nismën për Kosovën. Ndërkohë, përfaqësuesi special i BE-së në Kosovë, Samuel Zhbogar, ka shprehur mirënjohje të thellë për bashkëpunimin me kryetarin e Këshillit Kombëtar të Nismës, Jakup Krasniqi, edhe sa ishte kryetar i Kuvendit të Kosovës, po ashtu edhe për bashkëpunimin e ngushtë me Nismën në fushat e ndryshme me interes për qytetarët e Kosovës.
Kontrolloni gjithashtu
Memli Krasniqi: PDK-ja asnjëherë nuk ka pasur vija të kuqe me asnjë subjekt tjetër politik, nuk ka as me Vetëvendosjen
Kryetari i PDK-së, Memli Krasniqi, pas pajtimit me kërkesën e Albin Kurtit për mundësinë e …