Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti amerikan Donald Trump ka bërë të ditur se kishte urdhëruar vendosjen e dy nëndetëseve bërthamore pranë Rusisë për shkak të, siç i cilësoi ai, “deklaratave budallaqe dhe nxitëse” nga ish-presidenti rus Dmitry Medvedev.
“Bazuar në deklaratat e rrezikshme të Medvedevit, kam urdhëruar pozicionimin e dy nëndetëseve bërthamore në rajonet përkatëse, në rast se ato nuk janë thjesht retorikë,” shkroi Trump në platformën TruthSocial. Ai paralajmëroi se fjalët mund të çojnë në pasoja të rënda.
Përplasjet mes Trump dhe Medvedev kanë marrë hov ditët e fundit, pas kritikave të Trump ndaj lidhjeve të Indisë me Rusinë. Ish-presidenti amerikan njoftoi vendosjen e një tarife 25% për importet indiane duke akuzuar Indinë për “tarifa të larta” dhe “bashkëpunim të ngushtë me Rusinë”.
“Nuk më intereson çfarë bën India me Rusinë. Le ta shkatërrojnë ekonominë e tyre së bashku,” tha Trump, duke e quajtur Medvedev “ish-president i dështuar” dhe duke e paralajmëruar të mos futet në “territor të rrezikshëm”.
Medvedev reagoi përmes rrjeteve sociale duke ironizuar Trumpin me një referencë ndaj serialit “Walking Dead” dhe sistemit të “dorës së vdekur” – një strategji ruse për hakmarrje bërthamore automatike në rast të një sulmi shkatërrues ndaj udhëheqjes.
