Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri në detyrë Albin Kurti ka komentuar sërish krizën politike dhe pamundësinë për të krijuar shumicën parlamentare në Kuvend, duke ia atribuar situatën partive opozitare dhe Gjykatës Kushtetuese, por pa marrë përgjegjësi për dështimin e tij për të siguruar konsensus. Kurti tha se Kushtetuesja, me një aktgjykim paraprak, kishte rekomanduar arritjen e marrëveshjeve mes partive, por sipas tij, opozita përsëri dërgoi çështje të reja në gjykatë. Ai u ankua se PDK dhe LDK vepruan sikur aktgjykimi nuk ekzistonte, ndërkohë që Vetëvendosje, sipas tij, kishte ofruar dy “kompromise” – të cilat nuk gjetën mbështetje. Kryeministri në detyrë përmendi se kishte bërë thirrje me letra për takime “në frymë bashkëpunimi”, por Kuvendi vazhdon të mbetet i pakonstituar, duke e lënë vendin me një qeveri me kompetenca të kufizuara. Megjithatë, kritikat ndaj Kurtit vijnë nga fakti se, pavarësisht premtimeve për bashkëpunim, ai nuk ka arritur të bindë as partnerët potencialë për të formuar shumicën, duke e zgjatur ngërçin politik dhe duke e vendosur fajin tek të tjerët, në vend që të ofrojë zgjidhje konkrete dhe gjithëpërfshirëse.
