Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada e Gjermanisë në Prishtinë ka reaguar pas vendimit të Gjykatës Kushtetuese të Kosovës që urdhëron deputetët të konstituojnë Kuvendin brenda një afati 30-ditor, duke kërkuar nga partitë politike që ta respektojnë këtë vendim dhe të veprojnë në frymën e kompromisit për të dalë nga ngërçi institucional. Ambasada Gjermane thekson se qytetarët e Kosovës meritojnë një parlament funksional pas më shumë se gjashtë muajsh nga zgjedhjet, dhe u bën thirrje të gjitha palëve politike që të punojnë për një zgjidhje të zbatueshme brenda afatit të përcaktuar nga Kushtetuesja. “Ne e mirëpresim vendimin procedural të Gjykatës Kushtetuese. Është e domosdoshme që të gjitha partitë politike dhe palët e interesuara ta respektojnë vendimin dhe të veprojnë në përputhje me rrethanat, në mënyrë që qytetarët e Kosovës më në fund të kenë parlamentin për të cilin votuan,” thuhet në deklaratën e Ambasadës. Si një institucion kyç demokratik në një vend të pavarur, është jetike që Gjykata Kushtetuese e Kosovës të jetë në gjendje të kryejë në mënyrë të pavarur mandatin e saj. Sulmet personale kundër gjyqtarëve janë të papranueshme dhe dëmtojnë besimin dhe pavarësinë e gjykatës,” thuhet më tej në deklaratë.
