Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Punonjëses së misionit të OSBE-së në Kosovë, Jelena Gjukanoviq, e akuzuar për spiunazh në favor të Serbisë, i është zgjatur masa e paraburgimit edhe për dy muaj. Gjykata ka njoftuar se kërkesa e avokatit të saj për zëvendësimin e masës me arrest shtëpiak është refuzuar nga prokurori i rastit. Në seancën fillestare, Gjukanoviq është deklaruar e pafajshme. Sipas Prokurorisë Speciale, ajo ka kryer veprime të përsëritura duke përcjellë informacione të dokumentuara për agjentin e BIA-s, Aleksandër Vllajiq. Këto të dhëna dyshohet se janë transmetuar më pas te zyrtarë të lartë të shërbimit sekret serb. Në aktakuzë theksohet se Gjukanoviq ka komunikuar edhe me zyrtarë të tjerë të BIA-s. Ajo akuzohet gjithashtu për krijimin e një narrative armiqësore ndaj institucioneve të Kosovës. Arrestimi i saj u bë më 28 shkurt të këtij viti. Gjukanoviq dyshohet se ka shpërndarë dokumente dhe informacione të ndjeshme për Serbinë. Rasti pritet të ndiqet me interes të veçantë për shkak të pozitës së saj në OSBE.
