Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Arbreshë Krasniqi nga Nisma Socialdemokrate ka reaguar pas humbjes së partisë së saj në zgjedhjet e fundit, duke pranuar dështimin në aspektin numerik, por duke e zhvendosur theksin te mesazhi politik dhe emocional. Ajo ka deklaruar se, pavarësisht rezultatit zgjedhor, dashuria për vendin dhe përkushtimi për një Kosovë më të mirë mbeten të palëkundura. “Numerikisht edhe humbëm, por kurrë nuk humbet dashnia për vendin dhe përkushtimi për me pa Kosovën atë që e meriton”, ka shkruar Krasniqi. Në një postim tjetër në rrjetet sociale, ajo ka shkuar edhe më tej, duke e cilësuar rezultatin si humbje për vetë Kosovën: “Mos harroni: KA HUMB KOSOVA. Reago dhe kurrë mos harroni se na nuk dorëzohemi. Ecim para”. Reagimi i Krasniqit vjen në një kohë kur Nisma Socialdemokrate po përballet me kritika për rezultatin zgjedhor dhe mungesën e ndikimit në skenën politike, ndërsa thirrjet për reflektim dhe riorganizim po shtohen brenda spektrit opozitar.
