Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i PDK-së, Bedri Hamza, ka paralajmëruar për një përkeqësim të dukshëm të gjendjes ekonomike në Kosovë, duke theksuar se indikatorët kryesorë financiarë dhe makroekonomikë po shënojnë trend negativ. Vlerësimet e institucioneve ndërkombëtare tregojnë rritje të deficitit të llogarisë rrjedhëse dhe thellim të deficitit tregtar, sipas analizave të Fondi Monetar Ndërkombëtar në kuadër të misionit të rishikimit sipas nenit 4. Sipas Hamzës, ngadalësimi ekonomik lidhet edhe me bllokadat institucionale, duke bërë që rritja ekonomike të bjerë nën 4 për qind në tremujorin e fundit të vitit të kaluar. Ai theksoi se inflacioni ka arritur në 5.8 për qind gjatë janarit, duke shtuar presionin mbi buxhetet familjare dhe duke rënduar standardin e jetesës së qytetarëve. Në kritikat e tij, Hamza vuri në pikëpyetje edhe politikën fiskale të Qeverisë, duke deklaruar se buxheti aktual nuk reflekton strukturën reale të ekonomisë së Kosovës dhe nuk po adreson sfidat me të cilat përballen bizneset dhe qytetarët.
