Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e përvjetorit të parë të ndarjes nga jeta të veteranit të Ushtrisë Çlirimtare të Kosovës, ish-eprorit të Trupave Mbrojtëse të Kosovës dhe Forcës së Sigurisë së Kosovës , Naim Ymeri, familja, bashkëluftëtarët, miqtë dhe Këshilli Organizativ organizojnë homazhe përkujtimore në nderim të jetës dhe veprës së tij.
Naim Ymeri do të kujtohet për kontributin e tij të çmuar në luftën për liri, si dhe për shërbimin e përkushtuar në ndërtimin dhe forcimin e institucioneve të sigurisë së Republikës së Kosovës. Ai mbetet një nga figurat e respektuara të UÇK-së, TMK-së dhe FSK-së, duke lënë pas një trashëgimi të çmuar atdhetarie, profesionalizmi dhe përkushtimi ndaj vendit.
Ftohen familjarët, bashkëluftëtarët, veteranët, përfaqësuesit e institucioneve dhe të gjithë qytetarët që, me pjesëmarrjen e tyre, të nderojnë kujtimin e të ndjerit.
Data: 8 korrik 2026
Ora: 12:00
Vendi: Varrezat e fshatit Gllogoc, Komuna e Lipjanit
Me respekt,
Në emër të Këshillit Organizativ
Bahtir Troshupa
Ish-Sekretar i Përgjithshëm i Partisë së Unitetit Kombëtar Shqiptar (UNIKOMB)
