Komiteti për Politikë dhe Financa rekomandoi disa pika për mbledhjen e radhës të Kuvendit të Komunës së Malishevës

13/07/2026 Institucionet

Komiteti për Politikë dhe Financa (KPF) i komunës së Malishevës, organ i Kuvendit të Komunës, ka mbajtur sot mbledhjen e tretë urgjente për këtë vit, në të cilën janë shqyrtuar disa pika të rendit të ditës, shumica e të cilave janë rekomanduar për shqyrtim dhe miratim në mbledhjen e radhës të Kuvendit të Komunës.
Mbledhjen e ka kryesuar kryesuesi i Kuvendit të Komunës së Malishevës, Fatmir Ademaj. Pas shqyrtimit të materialeve, anëtarët e Komitetit, unanimisht, kanë rekomanduar për procedim në Kuvend pikat e parapara në rendin e ditës.
Po ashtu, Komiteti ka rekomanduar për shqyrtim në Kuvend edhe kërkesat e paraqitura nga Kryetari i Komunës, të cilat do të jenë pjesë e rendit të ditës në seancën e ardhshme.
Gjatë mbledhjes, njëra nga pikat e rendit të ditës është shtyrë për shqyrtim në një mbledhje të ardhshme, ndërsa Komiteti ka miratuar edhe disa kërkesa të paraqitura nga qytetarët, në përputhje me kompetencat e tij.

Kontrolloni gjithashtu

Kryetari Latifi ka takuar Drejtorin e Rrjetit në KEDS, Turan Kocabayraktar

Kryetari i komunës së Rahovecit, z. Smajl Latifi ka njoftuar se të premtën është takuar …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara