Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e PDK-së, Ganimete Musliu, ka reaguar me një shkrim me titull “Ku gabuam?”, në të cilin ngre pyetje për mënyrën se si Kosova e ka mbrojtur dhe dëshmuar historinë e saj. “Ndoshta pyetja më e rëndë që duhet t’ia bëjmë vetes sot nuk është: ‘Pse ndodhi kjo?’, por: ‘Ku gabuam?’”, shkruan Musliu. Ajo thotë se, pavarësisht ndryshimeve në botë, aleanca dhe kontekstit politik, nuk kanë ndryshuar sakrificat e Kosovës, varret dhe plagët e saj. “Historia nuk mbrohet vetëm duke e ditur. Historia mbrohet duke e dëshmuar”, thekson ajo, duke përmendur dokumentet, arkivat, dëshmitë, diplomacinë dhe këmbënguljen si mjete për mbrojtjen e saj. Musliu nënvizon se Kosova duhet të ketë guximin të përballet edhe me gabimet e veta, në mënyrë që të mos i përsërisë ato. “Sepse kjo nuk është vetëm një betejë për ata që sot janë në Hagë. Është betejë për mënyrën se si do të kujtohet Kosova nesër”, përfundon Musliu.
