Punëtorët teknikë të shkollave fillore në Prishtinë rikthehen në grevë

13/10/2026 Institucionet

Punëtorët teknikë të shkollave fillore të Komunës së Prishtinës do të rikthehen në grevë nga e mërkura, më 14 tetor, për shkak të mospagesës së pagave dhe vonesave në ekzekutimin e tyre. Grevës do t’i bashkohen punëtorët e shkollave të mesme, të cilët tashmë janë në grevë.

Sipas Federatës Sindikale të Punëtorëve Teknikë të Sektorit Privat të Kosovës, greva do të vazhdojë deri në përmbushjen e kërkesave për pagesën e pagave dhe të gjitha obligimeve të mbetura.

Po ashtu, të premten, më 16 tetor, nga ora 11:00 deri në 12:00, punëtorët do të protestojnë para Komunës së Prishtinës.

Protestës pritet t’i bashkohen edhe punëtorët e sigurimit fizik të Qendrave të Mjekësisë Familjare në Prishtinë, të cilët, sipas Federatës, kanë më shumë se dy javë pa paga. Mundësia e pjesëmarrjes në protestë është paralajmëruar edhe për punëtorët teknikë të këtyre qendrave.

Kontrolloni gjithashtu

AKK organizoi Konferencën “Prioritetet strategjike për avancimin e barazisë gjinore në nivel lokal”

Asociacioni i Komunave të Kosovës (AKK), përmes Kolegjiumit për Barazi Gjinore dhe me mbështetjen e …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara