Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të PDK-së, Abelard Tahiri, sot në seancën e Kuvendit ka thënë se PDK-ja nuk do ta votojë Projektligjin për sigurinë e përgjithshme të produkteve, përderisa ai ligj prezantohet nga një ministre e dënuar nga gjykata. Ai ka kërkuar shkarkimin e ministres, Rozeta Hajdari, e cila është dënuar me gjobë 700 euro nga Gjykata Themelore në Prishtinë për shkak të mosdeklarimit të pasurisë për vitin 2020 brenda afatit ligjor. Sa i përket shqyrtimit të këtij projektligji, ai është mjaft i rëndësishëm, por është keq që u prezantua nga një ministre që është e dënuar për fshehje të pasurisë. Kjo e bën të cenueshëm këtë ligj. Për ne është e papranueshme të vazhdojë të rrijë në sallë një person i cili e fsheh pasurinë, pasi asnjëherë në Kuvend nuk ka pasur ministër që ka qenë në detyrë dhe që ka qenë i dënuar për mosdeklarim të pasurisë. Këtë standard po e vendos Qeveria Kurti. Ju kërkoj të bëni presion tek kryeministri që kjo ministre të shkarkohet”, ka nënvizuar Abelard Tahiri.
