Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Aleancës për Ardhmërinë e Kosovës, Time Kadriaj, ka ironizuar me Lëvizjen Vetëvendosje dhe kryeministrin në detyrë, Albin Kurti, duke e propozuar këtë të fundit si anëtar të komisionit të fshehtë gjatë seancës së sotme për konstituimin e Kuvendit. Në këtë seancë të 40-të me radhë, deputeti i VV-së, Artan Dehari, përsëriti kërkesën ndaj partive opozitare që të propozojnë përfaqësuesit për komisionin që ka për qëllim organizimin e votimit të fshehtë për zgjedhjen e kryetares së Kuvendit. Në përgjigje, Kadriaj doli në foltore dhe deklaroi se AAK propozon Albin Kurtin për këtë komision – një propozim sarkastik që u interpretua si kritikë ndaj dështimeve të VV-së për të siguruar shumicën parlamentare. Kuvendi vazhdon të mbetet i pakonstituuar, pasi Vetëvendosje ende nuk ka arritur të sigurojë votat e mjaftueshme për zgjedhjen e kryetares së re.
