Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas takimit të grupeve punues në mes Lëvizjes Vetëvendosje dhe Lidhjes Demokratike të Kosovës , Albulena Haxhiu nga Vetëvendosja tha se sot të gjitha çështje programore janë finalizuar. “Sa i përket programit qeveritar ne kemi arrit 100 për qind përafrim të plotë. Për çështjet që kanë të bëjnë për ndarjen e përgjegjësive, para ditës së hënë ka me pasur takime prapë, ndërsa për arritjen e marrëveshjes kjo do të ndodhë shumë shpejt. Ajo paralajmëroi se mund të ndodhë që deri në fillim të javës së ardhshme të arrihet marrëveshja finale. Ndërkohë, pas takimit me Vetëvendosjen nënkryetari i Lidhjes Demokratike e Kosovës, Lutfi Haziri tha se ndarja e përgjegjësive dhe struktura e qeverisë janë çështje që do të diskutohen në ditët në vazhdim nga liderët e partive. Haziri tha se për çështjen e pozitës së presidentit është tejkaluar. Nuk ka çështje që e parandalon arritjen e marrëveshjes”, tha ai.
