Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasada Gjermane në Kosovë ka mohuar pretendimet e Qeverisë së Kosovës se serverët dhe pajisjet teknologjike të përdorura në procesin zgjedhor të 9 shkurtit, ishin shkaktar për bllokadën që ndodhi në faqen e KQZ-së. Ambasada sqaroi se pajisjet e dhuruara synojnë përmirësimin e infrastrukturës teknologjike të Komisionit Qendror të Zgjedhjeve, por nuk përfshijnë pajisje për numërimin e votave. Për më tepër, ajo konfirmoi se këto pajisje nuk janë përdorur në zgjedhjet e fundit. Përveç kësaj, ne nuk kemi çfarë të komentojmë, thuhet në reagimin e ambasadës. Ky demant vë në pikëpyetje deklaratat e zëdhënësit të Qeverisë së Kosovës, Përparim Kryeziu, i cili më herët kishte thënë se pajisjet ishin donacion nga Gjermania dhe të menaxhuara nga OSBE-ja. Me këtë reagim zyrtar, çështja e përgjegjësisë për dështimin e softuerit dhe serverëve të KQZ-së mbetet ende e hapur, ndërsa kërkesat për llogaridhënie po intensifikohen.
