Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Analisti politik, Avni Arifi, ka kërkuar që kryetarja e Kosovës, Vjosa Osmani, të marrë masa ndaj Komisionit Qendror të Zgjedhjeve, për vonesat e paprecedent në procesin e numërimit të votave. Ai rikujtoi vendimin e zonjës Osmani për të shkarkuar kryetaren e KQZ-së pas zgjedhjeve të vitit 2021 dhe e kritikoi atë për mungesën e veprimeve të ngjashme në situatën aktuale. Zgjedhjet e 2021-ës, kanë kaluar pa probleme. Lëvizja Vetëvendosje fitoi dhe certifikimi ndodhi në një afat rekord. Megjithatë, pas përfundimit të procesit, presidentja vendosi të shkarkojë kryetaren e KQZ-së. Nuk mund të funksionojë me standarde të dyfishta – nëse atëherë e pa të arsyeshme të veprojë, tani nuk ka justifikim për të mos kërkuar përgjegjësi nga KQZ-ja,” deklaroi Arifi. Ai theksoi se kërkesa për përgjegjësi nuk ka të bëjë me mbështetjen e ndonjë partie politike, por me sigurimin e integritetit të procesit zgjedhor.
